ഇന്ത്യന്‍ ഭരണഘടന രചിക്കപ്പെടുന്ന സമയത്ത് ഇന്ത്യന്‍ ജനതയുടെ ഭൂരിപക്ഷം
പേരും നിരക്ഷരരും, കൃഷിക്കാരും, അര്‍ദ്ധപട്ടിണിക്കാരുമായിരുന്നു. എങ്കിലും
പ്രായപൂര്‍ത്തിവോട്ടവകാശം പൗരാവകാശമായി കൊടുത്തുകൊണ്ടാണ് ഭരണഘടന പൂര്‍ത്തിയാക്കപ്പെട്ടത്.
ഓരോ ഭാരതീയനും 5 വര്‍ഷം
കൂടുമ്പോള്‍, തന്നെ ആര് ഭരിക്കണം എന്ന് തീരുമാനമെടുക്കാം. വിദ്യാഭ്യാസം, സാമ്പത്തികം,
ജാതി, മതം, ഭാഷ, ലിംഗം ഒന്നും മാനദണ്ഡമല്ല -
ഭാരതീയ പൗര‌ന്‍ ആയിരിക്കണം എന്നത് മാത്രമാണ് മാനദണ്ഡം. ഭാരതീയ വനിതകള്‍ക്ക് 50% സംവരണം ഉറപ്പാക്കി കഴിഞ്ഞു. ഓരോ
പൗരനും ഭാരതത്തിന്‍റെ ഉന്നമനത്തിനും അഭിവൃദ്ധിക്കും വേണ്ടി തന്‍റെ വോട്ടവകാശം
രേഖപ്പെടുത്തുക എന്നതാണ് ഏറ്റവും പ്രധാനം. വരുന്ന തെരഞ്ഞെടുപ്പില്‍ ഓരോ കേരളീയനും
തന്‍റെ സമ്മതിദാനാവകാശം രേഖപ്പെടുത്തണം. അടിസ്ഥാന സൗകര്യങ്ങള്‍, പരിസ്ഥിതി,
ആരോഗ്യപരിരക്ഷ, വികസന പ്രവര്‍ത്തനങ്ങ‌ള്‍ ഇവയെല്ലാം നാടിനാവശ്യമാണ് - അവ നടപ്പി‌ല്‍
വരുത്തുന്നതി‌ല്‍ പ്രാപ്തരാണ് തങ്ങളുടെ പ്രതിനിധിക‌ള്‍ എന്ന് ഉറപ്പ് വരുത്തുവാ‌ന്‍
ഓരോ വോട്ടര്‍ക്കും അവകാശമുണ്ട്. ആ അവകാശം ഒരു ശക്തിക്കും ചോദ്യം ചെയ്യാനാവില്ല.
അതുകൊണ്ട്, തങ്ങളുടെ ഓരോ വോട്ടും നാടിന്‍റെ ഭാവി നിര്‍ണ്ണയിക്കുന്നതാണ് എന്ന്
ചിന്തിച്ച് അതിനുതകുന്ന തരത്തി‌ല്‍ ചിന്തിക്കുക, സമ്മതിദാനാവകാശം വിനിയോഗിക്കുക. ഈ
അവകാശം വിനിയോഗിക്കാതിരിക്കുക എന്നത് പൗരധര്‍മ്മമല്ല - ഒരു ഭാരതീയനും അത്
ഭൂഷണവുമല്ല.
(പത്രാധിപക്കുറിപ്പ്, വോയ്സ് ഓഫ് മേള, പുസ്തകം 40, ലക്കം 10, ഒക്ടോബ‌ര്‍ 2010)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ